ANA SƏHİFƏ HAQQIMIZDA LAYİHƏLƏR XİDMƏTLƏR QALEREYA KOMANDAMIZ PARTNYORLAR
Ölkənin  rəqibsiz novator komandası hesab olunan “MGP” (“M Group Production”) 7 fevral 2003-cü ildə Respublikanın Xalq artisti Murad Dadaşov tərəfindən yaradılıb. Həmin ildən etibarən öz kreativ komandasının birgə əməyi sayəsində ortaya çıxan TV verilişləri hər zaman teleməkanın ən yüksək reytinq göstəricilərinə sahib layihələr olub. “MGP” “Mərc” şou, “Maşın” şou, “Davam ya tamam” kimi böyük layihələrin, “Bu da bu” adlı sketç-şounun, “Bayram axşamı” adlı tammetrajlı filmin və digər layihələrin müəllifidir. 15 ildir fəaliyyət göstərən şirkətin əsasında rəhbərlik və əməkdaşlar da daxil olmaqla media sahəsində təcrübə və bacarığa malik bir komanda dayanır. “M Group Production” (“MGP”) novator ideyaların, kreativ layihələrin işlənməsində təəccübləndirmək, seçilmək prinsipi və müasir medianın, həm də auditoriyanın tələb, maraq, istəyinə cavab vermək mövqeyindən düşünərək addımlayır.
“Maşın” şou Azərbaycan teleməkanında bu formatda olan yeganə realiti şoudur. Şounun aparıcısı Azərbaycan Respublikasının Xalq artisti Murad Dadaşovdur. Şouda iştirak edənlərin əsas məqsədi mübarizənin sonunda mükafatı əldə etməkdir. Mükafat isə bahalı avtomobildir. “Maşın” realiti şouda 18 yaşdan yuxarı hər bir vətəndaş iştirak edə bilər. 8-dən çox kamera vasitəsilə yayımlanan gündəlik canlı efirdə 18 məşhur iştirakçı, zalda yer alan tamaşaçılar və minlərlə televiziya tamaşaçıları bir avtomobil uğrunda gedən mübarizənin şahidi olurlar.
Bu layihə Azərbaycan teleməkanında əsl realiti şou janrının ilk və ən yaxşı nümunəsi sayılır. 2005-ci ildən efirdə olan bu realiti şounun yaradıcı komandası layihənin tam mahiyyətini bir cümlə ilə belə ifadə edir: ““Maşın” şou maşın yox, insanlar haqqında layihədir”.

PRODAKŞN

İstər TV proqramlarının istehsalı, istər filmlərin, reklam çarxlarının çəkilişi və hətta böyük elmi konfranslardan tutmuş, ən sadə toy mərasimlərinə qədər bütün tədbirlərin təşkilatçılığı, yalnız “MGP” o işə əl qoyduğu zaman ən yüksək səviyyədə və möhtəşəm olur.

TƏDBİRLƏR

Əyləncə sektorunda lider mövqeyində yer alan “MGP” müxtəlif tədbirlərin təşkilində yüksək keyfiyyətli xidmət göstərməkdədir. Şirkətimizin nəzarəti altında keçirilmiş tədbirlər daima öz unikal ab-havası, özünəməxsus tərzi və kreativliyi ilə seçilir.

SOSİAL MEDİA MARKETİNQ

Müasir dövrdə ən populyar reklam arenası sosial media platformasıdır. Bu üzdən Sosial Media Marketinq (SMM) üzrə bütün işlərinizi yalnız bu işin mütəxəssisinə etibar etməyiniz məsləhətdir.

KREATİV

“MGP”nin əsas fərqi və özəlliyi obyektə kreativ yanaşma və özünəməxsus baxış tərzidir. Belə ki, bu komandanın təklif etdiyi hər bir ideya digərinə bənzəmədən, müştərini və izləyicini düşündürməyə xidmət edir.